جیگیربوین نرخ دۆلار وەگەرد بەسیان بۆرسەی بەغداد و هەولێر
2023-07-13T14:07:47+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو پەنجشەممە، وەگەرد بەسیان بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، جیگیر بوی.
پەیامنێر ئاژانس شەفەق نیوز وت، بۆرسەی سەرەکی کیفاح و حارسیە لە بەغداد پایتەخت، ئیوارەی ڕمڕوو، لەبان نرخ ١٤٧٩٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان، کە هەر خود نرخ شەوەکی ئمڕووە.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگبر بوی،ک نرخ فرووشتن ١٠٠ دۆلار ئەمریکی رەسیە ١٤٩٠٠٠ دینار عراقی، و نرخ سەنینی رەسیە ١٤٧٠٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە جیگیر بوی، ک نرخ فرووشتن ١٠٠ دۆلار ئەمریکی رەسیە ١٤٨٢٠٠ دینار عراقی، و نرخ سەنینی رەسیە ١٤٨١٥٠ دینار عراقی.
