جیگیربوین نرخ دۆلار لە بەغداد و هەولێر
2024-04-01T08:04:19+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە لو بازاڕەیل بەغداد پایتەخت، و لە هەولێر پایتەخت هەرێم کوردستان، جیگیر بوی.
پەیامنێر ئاژانس شەفەق نیوز وت: بۆرسەی سەرەکی کیفاح و حارسیە لە بەغداد پایتەخت، شەوەکی ئمڕوو، لەبان نرخ ١٤٧١٥٠ دینار عراقی وەرانوەر ١٠٠ دۆلار ئەمریکی دەرەیلیان واز کردن، کە هەر خود نرخ دویەکە یەکشەممە بوی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی جیگیر بوی، کە نرخ فرووشتن ١٠٠ دۆلار ئەمریکی رەسیە ١٤٨٠٠٠ دینار عراقی، و نرخ سەنینی رەسیە ١٤٦٠٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش جیگیر بوی، کە نرخ فرووشتن ١٠٠ دۆلار ئەمریکی رەسیە ١٤٦٨٠٠ دینار عراقی، و نرخ سەنینی رەسیە ١٤٦٧٠٠ دینار عراقی.
