جیگربوین نرخ دۆلار لە بەغداد و داوەزینی لە هەولێر وەگەرد بەسیان بۆرسە
2023-03-12T14:05:03+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو یەکشەممە، وەگەرد بەسیان بۆرسەی سەرەکی بەغداد پایتەخت جیگر بوی، و لە هەولێر پایتەخت هەرێم کوردستان داوەزیا.
PlayUnmute
پەیامنێر ئاژانس شەفەق نیوز وت: بۆرسەی سەرەکی کیفاح لە بەغداد پایتەخت، ئیوارەی ئمڕوو، لەبان نرخ ١٥٦٨٥٠ دینار عراقی وەرانوەر ١٠٠ دۆلار ئەمریکی دەرەی بەساد، و هەر خود نرخە ک شەوەکی ئمڕوو توومار کریا.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگر بوی، ک نرخ فرووشتن ١٠٠ دۆلار ئەمریکی رەسیە ١٥٨٠٠٠ دینار عراقی، و نرخ سەنینی رەسیە ١٥٦٠٠٠ دینار عراقی.
لە هەولێر پایتەخت هەرێم کوردستان، نرخ دۆلار وەگەرد بەسیان بۆرسە داوەزین توومار کرد، ک نرخ ١٠٠ دۆلار رەسیە ١٥٧١٠٠ دینار عراقی، و نرخ سەنینی رەسیە ١٥٦١٠٠ دینار عراقی.
