تووشهاتن وەرپرس گەورایگ وە ڤایڕۆس کۆرۆنا
2020-06-19T13:48:16+00:00
شەفەق نیوز/ سەرچەوەیگ خۆجێی لە کەرکوک، ئمڕوو جومعە، خەوەردا لە تووشهاتن عەلی کەمال فەرماندەی پۆلیس پارێزگاگە وە ڤایڕۆس کۆڕۆنا کۆڤید-١٩ .
سەرچەوەگە ئەرا ئاژانس شەفەق نیوز وت: تووشهاتن کەمال دویای تاقیکاری لە شار سلێمانی لە هەرێم کوردستان دیارکەفت. وەگورەی ئامارە فەرمیەگان، پارێزگای کەرکوک ٣٠٩ تووشهاتن وە ڤایڕۆس کۆڕۆنا تۆمار کردگە لە وەخت بڵاوبوین پەتاگەو، ١٥٠ تووشهاتگ لەلیان هانە ژیر چارەسەری، و ١٥٠ وەیەکجاری خاسەوبوینە، و ژمارەی مردگەیل لەکەرکوک بەرزەوبویه ئەرا ١١ کەس، وەگورەی قسەی سەرچەوەیگ ئەرا ئاژانس شەفەق نیوز.
هەژمار تووشهاتنەگان ڤایڕۆسەگە لەناو هێزە ئەمنیەگان و وەرپرسەیل وەی دویاییە فرەوەبوی.
هۆشیار قەرەداغ بریكار ئەنجومەن نوێنەران، دویەکە پەنجشەممە، ئەرا ئاژانس شەفەق نیوز دیاری کرد؛ ک پەنج لە ئەندامەیل ئەنجومەنەگە تووش ڤایڕۆسەگە هاتن.
