توركيا: له‌ى نزيكه‌يله ده‌س ئه‌كه‌يمنه په‌لامارداين داعش
2015-08-05T11:10:46+00:00
شاووش ئوغلۆ له باسيگ ئه‌را ته‌له‌فزيۆن فه‌رمى توركى ك(شه‌فه‌ق نيوز)ئاگادارى بوى، له ئاماژه‌كردنيگ ئه‌را وازكردن بنگه‌ى ئاسمانى ئه‌نجه‌رليك له نزيك شار ئه‌دنه‌ى باشوور توركيا وت: پيشكه‌فتن خاسيگ جيوه‌جى كرديمه له وازكردن بنگه‌يلمان وه‌تايبه‌ت ئه‌نجه‌رليك ئه‌را ته‌ياره‌يل هاوپه‌يمان جوور به‌شيگ له ريككه‌فتنمان وه‌ل وڵاته‌يل يه‌كگرتگ.
وه‌زير خارجيه‌ى توركى هه‌ميش وت: له‌ى نزيكه‌يله ده‌س ئه‌كه‌يمنه په‌لامار گشتگير و هاوبه‌شيگ ئه‌را بان بنگه‌يل ريكخرياگ ترۆريستى داعش، يه‌يش له‌وه‌ختيگ ك توركيا له مانگ گوزه‌يشت رازى بوى له‌بان وه‌كارهاوردن بنگه‌يل ئاسمانى خوه‌ى له‌لايه‌ن ته‌ياره‌يل ئه‌مريكى و هاوپه‌يمان ناوده‌وڵه‌تيه‌و له ئاڵشتكارييگ بنه‌ڕه‌تى له سياسه‌ت توركى.
