تورکیا سوپاس تیم رزگارکردن عراقی کەێد و نرخدار دەسمیەتیەیلی کەێد
2023-02-25T08:49:28+00:00
شەفەق نیوز/ فوئاد حسێن جیگر سەرۆک وەزیرەیل وەزیر دەرەوەی عراق، ئمڕوو شەممە، پەیامیگ دەسنویسی لە هاوشیوەی تورکیی مەولوود چاویش ئۆغلۆ وەرگرد، لەناوی سوپاس عراق کرد ئەرا پاڵپشتیکردن و هاناڕەسین زەرەدمەنەیل لە ناوچەیل کەلەمەدار دویای ئەو زەویلەرزەی ویرانکەرە.
ئەحمەد سەحاف قسەکەر فەرمی وەزارەت دەرەوە، لە بەیاننامەیگ رەسیە ئاژانس شەفەق نیوز وت: پەیام وەزیر تورکی پیشکەشکردن سوپاس ئەرا حکومەت و گەل عراق لەناوی بوی، لەبان ئەو پاڵپشتیکردنە لە دەسمیەتی و هاناڕەسین ئەرا ئەو ناوچەیلە ک وە زەویلەرزە ویران بوین ک لە شەش شوبات دادە وڵاتەگە.
ئۆغڵو لە پەیامەگەی دەسخوەشی لە رۆڵ تیم مینەکردن و رزگارکردن عراقی کرد، ک بەشداری لە کار هاناڕەسین زەرەدمەنەیل لە کارەسات زەویلەرزەگە کرد.
