ته‌ندروستى نه‌جه‌ف ئه‌را مه‌ردم شاره‌گه: ئارد و ئازووقه‌ى فريه‌يگ خه‌زن بكه‌ن
2020-03-09T18:53:48+00:00
شه‌فه‌ق نيوز/ به‌شار كه‌مونه وه‌ڕيه‌وبه‌ر به‌ش ته‌ندروستى گشتى له نه‌جه‌ف، داوا له مه‌ردم شاره‌گه كرد خوه‌يان ئاماده بكه‌ن ئه‌را روێ وه‌ڕوێ بوينه‌وه‌ى هه‌ر حاڵه‌تيگ له‌ناكاو.
كه‌مونه له بڵاوكرياگيگ، وت: ئه‌ى مه‌ردمه‌گه‌م له پاريزگاى نه‌جه‌ف پيرووز، تكا له‌ليدان ئه‌كه‌م بڕ فريه‌يگ ئارد و ئازووقه له ماڵه‌يلدان خه‌زن بكه‌ن له‌ئيسه‌وه له‌وه‌ر هه‌ر حاڵه‌تيگ له‌ناكاو ك نواگيرى له ده‌رچگندان بكا وه‌ره‌و بازاڕ.
جى باسه، يه‌يش له‌وه‌ختيگه نه‌جه‌ف يه‌كه‌م حاڵه‌ت تويشهاتن وه ڤايرۆس كۆرۆنا تۆمار كرد ك ئه‌ويش خوه‌ندكاريگ ئيرانى بوێ.
