ته‌ندروستى به‌سره ئه‌را شه‌فه‌ق نيوز جه‌خت له تويشبوين 37 كه‌س وه كۆرۆنا كرد
شه‌فه‌ق نيوز/ سه‌رچه‌وه‌يگ ته‌ندروستى له‌ناو ده‌زگاى ته‌ندروستى پاريزگاى به‌سره، ئاشكراى ئه‌وه كرد 37 كه‌س تويش ڤايرۆس كۆرۆنا بوينه، دوياى بڵاوبوينه‌وه‌ى به‌ڵگه‌يگ ك ناو تويشهاتگه‌يل له‌تى بڵاوبويه‌و حاڵه‌تيگ له مه‌ترسى دروس كردگه.
ئه‌و سه‌رچه‌وه ئاگادار شه‌فه‌ق نيوز كرد ئه‌و حاڵه‌ته‌يل تويشبوينه له‌لايه‌ن تيميل ته‌ندروسييه‌و تۆمار كريانه له‌وه‌خت ئاماركردن تايبه‌ت وه كۆرۆناو زوورم تويشهاتگه‌يليش وه‌ركه‌فته‌ى حاڵه‌ته‌يل تر وه‌رين بوينه له قه‌زاى هارسه له باكوور به‌سره.
جى باسه، يه‌يش له‌وه‌ختيگه چالاكوانه‌يل له پاريزگاى به‌سره به‌ڵگه‌يگ بڵاو كردنه ك له‌تى ليسيگ وه‌ناو 37 كه‌س تويشهاتگ وه ڤايرۆس كۆرۆنا له ناوچه‌ى قه‌زاى هارسه له باكوور پاريزگاگه بڵاو كردن، ك وه‌شيوه‌يگ فه‌رمى تائيسه بڵاو نه‌كريا، ك وه‌گووره‌ى به‌ڵگه‌گه ئه‌را شه‌فه‌ق نيوز زوورم ئه‌و حاڵه‌ته‌يله ئه‌را ژنه‌يل تۆمار كريانه.
