تفەنگ راویگ گەنجیگ لە خانەقین کوشێد و ٣ زەخمداری لەناو مرافەیگ لە بەغداد
شەفەق نیوز/ سەرچەوەیگ ئەمنی لە دیالە، ئمڕوو چوارشەممە، خەوەردا لە کوشیان کوڕیگ وە گولەیگ وە هەڵە ک وە تفەنگ راو وەشانیەسەی، ئەوەیش لە دەورگرد قەزای خانەقین، هەمیش سێ کەس لەناو مرافەیگ لە بەغداد پایتەخت زەخمدار بوین.
سەرچەوەگە ئەرا ئاژانس شەفەق نیوز وت: کوڕیگ لە تەمەن ١٤ ساڵان مەوقەی تەقانن فیشەک لە تفەنگ راویگ نزیک ئاوای تویتگ لە دەورگرد خانەقین گیانی لەدەسدا.
وتیش: هیزیگ ئەمنی رەسیە شوین رویداوەگە، و لێکۆڵینەوە لە رویداوەگە واز کرد، و تەرمەگە ئەرا پزشک دادوەری لە خانەقین کلکریا.
لەلاییگتر، سەرچەوەیگ ئەمنی ئەرا ئاژانس شەفەق نیوز وت: مرافەیگ ناوبەین چەن کەسیگ رەسیە وەکارهاوردن چەک سووک و ناوڕاسین نزیک عەلوەی زوێنی لەناوچەی ئوم کبر و غزلان خوەرهەڵات بەغداد، ک بویە هووکار زەخمداری سێ کەس.
وتیش: هیزیگ ئەمنی دەسوەردان کرد، و سێ کەس لە هەردوگ لایەنەگە دەسگیر کرد.
