تفەنگ راو گیان دویەتیگ لە دیالە سینێد
2023-05-08T13:35:36+00:00
شەفەق نیوز/ سەرچەوەیگ ئەمنی لە دیالە، ئمڕوو دووشەممە، خەوەردا لە کوشیان دویەتیگ مناڵ وە گولەی تفەنگ راو لە باکوور بەعقووبە.
سەرچەوەگە ئەرا ئاژانس شەفەق نیوز وت: دویەتیگ لە تەمەن ٢٠ ساڵان، کەفتە وەر گولەی تفەنگ راو لە ئاوای زرگانیە باکوور بەعقووبە.
سەرچەوەگە وتیش: قسەیلیگ جیاجیا لە رویداوەگە هەس، لە بازیکردن مناڵەگە وە تفەنگەگە، یا گولە لەدەس کەسیگ لە خیزانەگەی دەرچگە، و دیاری کرد ک پولیس لێکۆڵینەوە ئەرا رەسین وە بندروس رویداوەگە واز کرد.
