تاقە خوەراکیگ ژەهراوی گیان دوو کەس سینێد و کەسیگیش تویش بیماری تیەرێد لە بەسرە

شەفەق نیوز/ سەرچەوەیگ لە پارێزگای بەسرە، باشوور عراق، خەوەردا لە کوشیان و زەخمداری ٣ کراکار کە تویش ژەهراوی هاتن لە باشوور شارەگە.

سەرچەوەگە ئەرا ئاژانس شەفەق نیوز وت: کەسەیلیگ کراکار خەڵک پارێزگای موسەنا لەناو ماڵیگ کار بیناسازی کردیان لە قەولی شەت عەرەب باشوور بەسرە، و وە تاقە خوەراکیگ تویش ژهراوبوین هاتن، کە بویە هوکار مردن دوانیان و تویشهاتن کەسیگ ترەک.

سەرچەوەگە دیاری کرد کە دوو مردیەگە برای یەکن، و هیزەیل ئەمنی لێکۆڵینەوە ئەرا شیوەی رەسین ئەو خوەراکە ئەرایان وازکردن و ئەو لایەنەیلە کە دەسیان لەناوی بویە.