تەندروسی هووشداری لە پزشکەیل نا فەرمی دەێد چارەی تووشهاتنەیل کۆڕۆنا کەن
شەفەق نیوز/ وەزارت تەندروسی وژینگەی عراق، ئمڕوو پەنجشەممە، هووشداری لە کەسەیلیگ بی مووڵەت کرد پرۆپاگەندە ئەرا چارەکردن لە ڤایڕۆس کۆڕۆنا لە شوونەیلیگ نا فەرمی وەبی پابەندبوین وە ریکارە مقەیەتیەکان .
وەزارەتەگە لەبەیانامەیگ ئمڕوو وت: وەزارت تەندروسی وژینگەی لە وەرپرسایەتی یاسایی و رەوشتی خوەی رک لەبان جیوەجیکردن گشت ریکارە مقەیەتیەکان و چارەسەریەیل ئەرا نواگردن پەتای کۆڕونا دیرێد ک لە دەیەی باڵای تەندروسی و سەڵامەتی نیشتمانی دەرچگە، وەهەماهەنگی وەگەرد گشت لایەنە فەرمیەیل و نا فەرمیەیل.
بەیاننامەگە وتیش؛ مانگەیل گوزەیشتە سەختییگ زیاتر نشان دان، لە پێشێلکارەیلیگ هەڕەشەی ژیان هاووڵاتییەیل دان لە رەفتارەیلیگ لەلایەن چەن کەسیگ بی مووڵەت وە چارەکردن بیماریەگە لە شوونەیلسگ نا فەرمی و پرۆپاگەندە ئەرا کارەیلیان لەبان تووڕەیل کۆمەڵایەتی، و هەمیش وازکردن شوینەیلیگ ئەرا چارەسەرکردن وەشیوەی نا فەرمی و نا یاسایی، و بڵاوکردن زانیاریەیلیگ هاوڵاتییەیل خەڵەتنن.
وەگورەی بەیاننامەگە، ئەو کەسەیلە هان خەڵکەگە دەن تا دەمامەک وەکار نارن و واکسینەگە وەرنەگرن، ک ئەو کارە بوودە وەردەوامییگ ئەرا بڵاوبوین پەتاگە، و ئەوە کەفێدە وەر سزای مادەی ٣٦٨ لە یاسای سزاکان عراقی ١١١ ئەرا ساڵ ١٩٦٩.
بەیاننامەگە بانگواز ئەرا گشت دامەزراوەیل فەرمی کرد هاوکاری بکەن ئەرا لەناوبردن ئەو سیمای رخبەرە ک هیشت رەوش تەندروسی هاووڵاتییەیل خراوتر بوود، لەوەر گووشگردن بەشیگیان لەو تەمەیل نا زانستیە.
