تەندروسی عراق: وەي نزیکەیلە ئاڵشتبوی نوویگ کۆرۆنا بڵاوەو بوود
2023-12-27T12:53:21+00:00
شەفەق نیوز/ قسەکەر وەزارەت تەندروسی عراق، راگەیان مەزەنەکرێد ئاڵشتبوی نوویگ کۆرۆنا لە عراق بڵاوەوبوود، باوجی ئەو کەسەیلە تویشهاتنە مەترسی توشهاتنیان نییە.
سەیف بەدر قسەکەر وەزارەت تەندروستی عراق لە بەیانامەیگ راگەیان، ئیرنگە ئاڵشتبوی نوویگ کۆرۆنا لە جەهان ها لە بڵاوبوینەوەی خێرایگ و مەزەنەکرێد لە ئایندەی نزیکیگ بڕەسێدە عراق نیشانەیلی لە ئەنفلۆنزای وەرزی چوود جویر بەرزەوبوین پلەی گەرمی لەش و هەسکردن وە شەکەتی، داوەزیان ئاو لویت و قوڕگ، و تەو و لەرز و لە دەسدان هەس بوون و تام کردن.
وتیش، تا ئیسە هویچ حاڵەتیگ لەو ئاڵشتبویە نەویە لە عراق توومارنەکریایە، هەر مەوقە توومارکریا بڵاویکەیمن و ئامادەکاری خوەمان راگەێنیمن.
