تەندروسی عراق هوشداری لە سازداین ئاهەنگەیل سەر ساڵ دەێد
شەفەق نیوز/ وەزارەت تەندروسی و ژینگە، ئمڕوو جومعە، بڕیگ راسپاردەیل دا لەباوەت جەژن سەر ساڵ زایینی ئەر لادان لە تۊیشبۊین ڤایرۆس کۆڕۆنا، هوشداری دوارە لە گلەوخواردن ئاڵشبۊی "ئۆمیکرۆن" ئەرا عراق دا.
سەرچەوەگە لە بەیاننامەگە دووپاتکرد، "بڵاوبۊین پەتا جیهانیەگە ها لە رەوش رخبەریگ، ێی بەرەنگاریەیلە وەتەنیا بەس نییە وە مدووی بڵابۊین تونەگەی ئاڵشتبۊی ئۆمیکرۆن وەگەرد بەرزەوبۊین زۊی و گەپیگ لە رێژەی تۊیشبۊیەیل لە وڵاتەیل فرەیگ، ک زیاتر لە 100 وڵات تۊیشبۊین وە ئاڵشتبۊی نووەگە توومارکریایە".
لە بەیاننامەگە هاتییە: "بایەتە گشت هاوڵاتیەیل ئاگاداربکریەن پابەنبۊین وە رێکارەیل تەندروسی وەتایبەت لە بەسین دەمامک و هیشتن بووشایی ناوبەینیان لە ئاهەنگەیل سەر ساڵ نوو وەگەرد زۊیکردن لە چگن ئەرا بنکەیل تەندروسی وەرگردن ڤاکسین سەلامەتی".
وتیش؛ شۊنە گشتیەیلە جۊر یانە و پارک و هۆلەیل و چێشتخانە و قاوەخانە پابەنبوون وە رینمایل لیژنەی باڵای تەندروسی و سەلامەتی نەتەوەیی وە نواگردن لە هاتنە ناو کەسەیلیگ ک ڤاکسین وەرنەگردنە ئەرا ناو ئەو شۊنەیلە، وەگەرد دابینکردن گشت خوازینەیل مقەیەتیکردن جۊر دەمامک و پاککەرەوە تەندروسیەگان و پابەنبۊین وە دۊری لە مابەین مێزەیلە، رێگری کردن لە دروسبۊین جەنجاڵی لەو شۊنەیلە.
