تەندروسی عراق دەسنشان بەرزەوبوین رخبەریگ لە تویشهاتن تەو خۊنوەربۊن کەێد
2022-05-21T14:34:26+00:00
شەفەق نیوز/ وەزارەت تەندروسی و ژینگەی عراق، ئمڕوو شەممە، بەرزەوبوینیگ راگەیان ک وە "رخبەر" ناوی هاورد، لە تویشهاتنەیل بیماری تەو خۊنوەربۊن.
سەیف بەدر قسەکەر وەزارەت تەندروسی و ژینگەی عراق، لە بەیاننامیگ رەسیە ئاژانس شەفەق نیوز وت: بەرزەوبوین رخبەریگ لە تویشهاتنەیل تەو خۊنوەربۊن لە عراق هەس، وباس بەرزەوبوین شمارەی تۊشهاتنەیل وە بیماریەگە ئەرا ٩٠ کەس کرد.
بەدر هەمیش دیاری کرد ک ١٨ مردن تا ئیسە وە تەو خۊنوەربۊن لە گشت وڵاتەگە توومار کریایە.
وتیش: هاتێ زیایبوینیگ تر لە شمارەی تویشهاتنەیل بوود، چوینکە تویشهاتنەیلیگ هەس گومان لەلیان کریاگە.
