تەقینەوەێگ وەبان کاروانیگ هاوپەیمان ناودەڵەتی لە زیقار
2021-10-19T07:05:49+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا ک بومبیگ تەقیە بان کاروانیگ پاڵپشتی سەروە هاوپەیمان ناودەڵەتی لە پارێزگاگە.
سەرچەوەگە ئەرا ئاژانس شەفەق نیوز وت: شەوەکی ئمڕوو، بومبیگ دانریاگ تەقیە بان کاروانیگ پاڵپشتی لۆجستی سەر وە هاوپەێمان ناودەوڵەتی لە مەوقەی رەدبون کاروانەگە لەلەبان ریگەی خیرا سەر وە شار ناسرییە ناوەن پارێزگای زیقار.
سەرچەوەگە دیاری کرد ک هویچ زەرەدیگ جەسەیی و ماددی لە تەقینەوەگە نەوی.
