تەقینەوەی نوویگ لەبان کاروان پاڵپشتی ناودەوڵەتی لە سەڵاحەدین

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا ک بومبیگ تەقیە بان کاروانیگ هاوپەیمان ناودەڵەتی لە پارێزگای سەڵاحەدین،  ک یە دۊەمە لەماوەی چەن ساعاتیگ.  

سەرچەوەگە ئەرا ئاژانس شەفەق نیوز وت: بومبیگ دانریاگ، ئیوارەی ئمڕوو،  تەقیە بان کاروانیگ پاڵپشتی لۆجستیکی سەروە هاوپەیمان ناودەڵەتی لە مەوقەی رەدبۊنی لەناو سنوور سەڵاحەدین،  وەبی زەخمدارییگ.  

ئمڕوو لە وەختیگ وەرجەیە، بومبیگ دانریاگ لەکنار ری ناودەوڵەتی لە پارێزگای موسەنا، تەقیە بان کاروانیگ لۆجستیکی سەروە هاوپەیمان ناودەوڵەتی،  و زەرەد رەسانە پاچگەیل یەکیگ لە ماشینەیل کاروانەگە.