تەقینەوەیگ لە شار سەدر لە بەغداد

شەفەق نیوز/ شانەی راگەیانن ئەمنی، ئمڕوو پەنجشەممە، لە بەیاننامەیگ رەسیە ئاژانس شەفەق نیوز وت: تەقینەوەیگ لە یەکیگ لە بازاڕەیل لە ناوچەی حەبیبیە لە خوەرهەڵات بەغداد پایتەخت بویەو، و بویە هووکار کوشتن سێ مەدەنی و زەخمداربوین ١٥ کەس و سزانن ٥ ماشین.

ئیوارەی ئمڕوو پەنجشەممە، سەرچەوەیگ ئەمنی وەرپس، خەوەردا ک تەقینەوەگەی ناوچەی حەبیبیە وە ماشینیگ بوی، لە نزیک زبڵدانیگ لە بازاڕیگ جەماوەری دانریاێود.

لەلای خوەییش، وەڕێۆبەرایەتی وەرگری مەدەنی، لە بەیاننامەیگ وت: تیمەیلی توێنستن ئاگر لە ٥ ماشین مەدەنی لەوەر رووداو تەقینەوەگە لە ناوچەی سەدر بازاڕ مامرەکان کپەو بکەن.