تەقینەوە کۆتایی وە ژیان سەربازیگ تیەرێد و یەکیگیش زەخمدار بوود لە سەڵاحەدین
2023-06-18T09:42:29+00:00
شەفەق نیوز/ سەرچەوەیگ لە پولیس ناوخوەیی، ئمڕوو یەکشەممە، خەوەردا لە مردن سەربازیگ لە سوپای عراقی و زەخمداربوین یەکیگتر وە تەقینەوەیگ لە باکوور پارێزگای سەڵاحەدین.
سەرچەوەیگ لە پولیس وە ئاژانس شەفەق نیوز وت، مەوقەی ئۆپراسیۆنەیل وشکین و وازکردن ری لەناوچەی سینیە سەر وە قەزای بێجی لە سەڵاحەدین بومبیگ تەقیە ک لەوباوەڕەن وەجیماگەیل جەنگی رێکخریاگ داعش بوود لەبان یەکەیل سوپای عراقی.
سەرچەوەگە وتیش، لە ئەنجام تەقینەوەگە سەربازیگ بویەسە قوربانی و یەکیگیش زەخمدارە.
