تەقینەوەگەی بەیروت هیلێد عراق لە ماوەی دوو رووژ ''پێکهاتەیل کیمیایی'' لەناو بەێد

تەقینەوەگەی بەیروت هیلێد عراق لە ماوەی دوو رووژ ''پێکهاتەیل کیمیایی'' لەناو بەێد
2020-08-08T14:50:14+00:00

شەفەق نیوز/ دەزگای گومرگەیل عراق، ئمڕوو شەممە، بریاریگ دەرکرد لەباوەت ئەو ئەمارەیلە ک پێکهاتەی کیمیایی هاناویان، و داوا لەخاوەنەگانیان کرد لەماوەی دوو رووژ وەری بگرن.

دەزگاگە لەبەیاننامەیگ رەسیە ئاژانس شەفەق نیوز وت: بانگەواز کرد ئەرا خاوەن ئەمارەگان ''حاویە'' ک پێکهاتەیل کیمیایی هاناویان لە مەرزه‌یل خاكی ، ئاسمانی  وبەندەرەیل  دەریایی ، وئەوەگ سەروە کەرت گشتی و تایبەتە، ئەرا سەرداین لایه‌نه‌  پەیوەندیدارەگان ئەرا رزگارکردن چشتەگانیان لە دەس گومرگ، ئەویش لەماوەی دوو رووژ لە سوو یەکشەممەو.

وتیش؛ ئەگەر لە ماوەی دیاریکریاگ سەردان نەکردن، دەزگاگە ریکارەیل یاسایی لەبان خاوەنەیلیان بەێد، ودەسنەێدە بانیان ئەرا گەنجینەی دەوڵەتەگە.

ئی بریارە لە دویای رووداو تەقینەوەگەی بەندەر بەیروت تیەێد، ک دەیان کوژیاگ  و هەزاران زەخمدار لەلی بویەو بیجگە دەیان بیسەروشوون.

Shafaq Live
Shafaq Live