تەقینەوەیگ کڕ کارەبا لە کەرکوک کەێدە ئامانج

شەفەق نیوز/ وەزارەت کارەبای عراق، ئمڕوو پەنجشەممە، راگەیان کادرەیلی لە پارێزگای کەرکوک دەسکردنە دووارە بەسانن کڕیگ کارەبا و وەزەی (١٣٢ کەی ڤی) ک وە تاوەر (٢٦) ناسیایە، دویای ئەوەگ کەفتە وەر تەقانن.

وەڕێەوبەرایەتی راگەیانن کۆمپانیای گشتی وزەی کارەبای باکوور لە بەیاننامیگ رەسیە ئاژانس شەفەق نیوز وت: کڕەگە حەویجە کەێدە دوو بەش، کڕ مەلا عەبدولڵلا – باکوور سامەڕا، - دۆر (١٣٢ کەی ڤی)، ئمڕوو پەنجشەممە، کەفتە وەر خراوەکاری وە تەقیان بومبیگ دانریاگ ک زەرەد رەسانە پایەیل تاوەر شمارە ٢٦، ک وەکوتپڕ رمیا، ئەوەیش لە ئاوای بریمە لە ناحیەی مولتەقا لە پارێزگای کەرکوک.