تەقین ماشینیگ لەنزیگ فەرماندەی پۆلیس ئەنبار.. ڤیدیۆ
شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا لە تەقین ماشینیگ لەناو گەراجیگ نزیک فەرماندەی پۆلیس پارێزگای ئەنبار.
سەرچەوەگە ئەرا ئاژانس شەفەق نیوز وت: ماشینیگ بومبی لەناو گەراجیگ لەشان فەرماندەی پۆلیس ئەنبار لە شار رەمادی تەقیەو.
لەلای خوەییش ناسر غەنام فەرماندەی ئۆپراسیۆنەیل ئەنبار لە بەیاننامەیگ رەسیە ئاژانس شەفەق نیوز وت:ئەندامەیل پۆلیس ئەنبار نوای ئەو تیرۆریستە گردن ک تەقەلای بیخودی دیاد تا پەلامار یەکیگ لە فەرمانگەیل پۆلیس بەێد.
وتیش؛ هێزەیل پۆلیس تۊینست رانندەی ماشینە بومبیەگە بیەن وەبی زەرد و زەخمداری.
لەلای خوەییش، شانەی راگەیانن ئەمنی لە بەیاننامەیگ وت: هێزە ئەمنییەیلەی پارێزگای ئەنبار تۊینستن ئەو ماشینە گیر بارن ک تێرۆریستی خوەیکوش لە جادەی ١٠٠ لە شار رەمادی رانێادەی.
وتیش: هێزە ئەمنییەیلە تەقە لەلی کردن، ک ئی تێرۆریستە ناچار بۊی خوەی لەناو ماشینەگە بتەقنێدەو، وەبی زەرد و زەخمداری.
