تەقەلای خوەیکوشن سەرنەکەفتی.. خوەیکوشتن دەرمانسازیگ و ناخاڵەیگ
سەرچەوەیگ وە ئاژااس شەفەق نیوز خەوەردا" گەنجیگ وەرد هاوسەرەگەی شەوەکی ئمڕوو تەقەڵای خوەیکوشتن دانە لە ئاوای زەهەب ئەبیەز لە قەزای ئەبو غەرێب لە بەغدای پایتەخت.
سەرچەوەگە ئاشکەرایکرد، گەنجەگە لە داڵگبووی 1996ە خوەی تویش زەخمداریکردیە لەری ئامیر تیژیگ لە دەمار وملی، ژنەگە ک لەداگبووی 1999 لە مل و سینگ خوەی زەخمدار کردیە.
سەرچەوەگە ئاشکەرایکرد، هووکار تەقەڵای خوەیکوشتن دوو هاوسەرەگە دیار نییە، کەسوکاریان ئەرا چارەسەرکردن کلیانکردنە ئەرا خەسخانە.
لە رویداویگتر، خوەنەواریگ دەرمانسازی تەقەلا کوشتن خوەی دایە وە تەقەکردن لەخوەی وە دەوانچە لە ناوچەی عەلاوی ناوڕاس بەغدای پایتەخت.
سەرچەوەگه دووپاتکرد دویەتیگ لەداڵگبوی 2006 تەقەلای خوەیکوشتن دایە لەناو ماڵ خوەیان لەناوچەی میکانیک لە بەغدای پایتەخت.
سەرچەوەگە وتیش، وەپای قسەی کەسوکاری دویەتەیان بیماری دەروینی دیرێد.
