تەقەکردن و پەلامارداین ماڵەیل...هیزەیل ئەمنی کۆنترۆل مەرافەیگ هوزانە کەێد لە زیقار
2022-12-23T09:05:06+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو جومعە، خەوەردا هیزەیل ئەمنی لەری هێز کنترۆل مەرافەیگ هوزانە کردنە لە خوەرهەڵات پارێزگاگە.
سەرچەوەگە وە ئاژانس شەفەق نیوز وت،" مەرافیگ هووزانە دروسبویە لەناوبەین هوز ئال مگۆتەر و ئال لعێبی لە ئاوای ئال حەسەن لە قەزای سەێد دخیل لە خوەرهەڵات پارێزگای زیقار".
سەرچەوەگە ئاشکەرایکرد " لە مەرافەگە چەکەیل قوڕس و ناوراس وەکارهاوردنە، ری سەرەکی ناوبەین ناسریە و شارەیل خوەرهەڵات پارێزگاگە بەسانە"، وتیش" رویداوەگە زەخمداری لەلی کەفتیەسەو، و هووکار سەرهەڵدانی لەوەر رویداویگ کوشتن کۆنە بویە".
دیاریکرد، "هیزەیل ئەمنی گەپیگ ئاخڵەی شوین رویداوەگە دانە و هەڵمەتیگ فیشەک وەکارهاوردن دژ هەردگ لا ئەنجامدانە ئەرا کۆنترۆلکردن مەرافەگە، ئۆپراسیۆنیگ هەڵکوتانە بان ماڵەیل دەسوەپی کردن ئەرا دەسگیرکردن ئەو کەسەیلە بەشداربوینە لە دروسبوین مەرافە هووزانەگە".
