تەقەکردن ناوەین چەن کەسیگ لە بەغداد ریواریگ کوشێد
2023-09-22T13:49:56+00:00
شەفەق نیوز/ سەرچەوەیگ ئەمنی، ئمڕوو جمعە، خەوەردا کە پیاییگ ریوار گیانی لەدەسدا لە ئەنجام تەقەکردن ناوەین چەن کەسیگ لە بەغداد پایتەخت.
سەرچەوەگە ئەرا ئاژانس شەفەق نیوز وت: مرافەیگ کەفتە ناوەین چەن کەسیگ کە هوکاری نادیارە، رەسیە وەکارهاوردن چەک لە ناوچەی کشتوکاڵی زەعفەرانیە باشوور بەغداد، کە کابرای ریواریگ تویش گولەیگ هات.
وتیش: هیزیگ ئەمنی رەسیە شوین رویداوەگە و ٣ کەس لە جەنگکەرەیل دەسگیر کرد.
