تەقیان تانکەریگ نەفت مەوقەی شووردنی لە بەغداد
2023-02-08T12:48:27+00:00
شەفەق نیوز/ سەرچەوەیگ ئەمنی وەرپرس، ئمڕوو چوارشەممە، خەوەردا ک ئەو دەنگ رممەی تەقینەوە ک خەڵک باشوور بەغداد پایتەخت ژنەفتنەی، لە تەقیان تانکەریگ سوتەمەنی بویە، مەوقەی شووردنی.
سەرچەوەگە ئەرا ئاژانس شەفەق نیوز وت: دەنگ رممەیگ لە ناحیەی وەحدە ناوچەی کەرزیە، لە ناوچەی پیشەسازی رەسیە گووش.
وتیش: روی وەرەو شوین رویداوەگە کریا، و دەرکەفت تانکەریگ مەوقەی شووردنی وە هەڵم تەقیەسەور وتیش: رویداوەگە زەرەد وە تانکەرەگە مارکەی (ئەکتروز) رەسانیە وەبی زەخمداری کەسیگ.
هەرلیوا، خەڵک ناوچەیل نزیک لە شوین رویداوەگە ئاگادار ئاژانس شەفەق نیوز کردن ک دەنگ رممەی قایمیگ ژنەفتنە، نەزانستنە دەنگ چەس.
