بۆڵتن: ئابورى ئيران داڕميه‌ێد و ته‌هرانيش پشتگيرى و پڕچه‌ك ميليشايه‌يل شيعه ئه‌كا له عراق
2019-06-25T11:15:55+00:00
شه‌فه‌ق نيوز/ جۆن بۆڵتن راوێژكار ئاسايش نه‌ته‌وه‌يى ئه‌مريكا، جه‌خت له‌وه كرد ئيران كار له‌بان زيايكرن گرژيه‌يل ئه‌كا له ناوچه‌گه‌و وت: دۆناڵد تره‌مپ سه‌رۆك ئه‌مريكا قاپيه‌گه وه واز هيشتگه له‌وه‌ر خاتر گفتگوو وه‌ل ئيران.
بۆڵن له وته‌يگى له وه‌خت ده‌سوه‌پيكردن كۆنگره‌ى ئه‌منى ناونى ئسرائيل و ئه‌مريكاو روسيا له ته‌لئه‌بيب وت: ئيران حجه‌تيگ ديرێد ك له‌تى تون و تيژى و هه‌ڕه‌شه له ناوچه‌گه جيوه‌جى ئه‌كاو پشتگيرى له حزبوڵڵا و پڕچه‌ك ميليشايه‌يل شيعه ئه‌كا له عراق و باس له‌وه‌يش كرد ك ئابورى له ئيران داڕميه‌ێد.
راوێژكار ئاسيش نه‌ته‌وه‌يى ئه‌مريكا هه‌ميش وت: واشنتۆن ئاگاداره له رۆڵ محوه‌رى ئسرائيل ئه‌را وه‌ديكردن ئاشتى له ناوچه‌گه.
