بۆردومانيگ ناوده‌وڵه‌تى له نزيك هه‌ولێر 19 داعشى كوشت
شه‌فه‌ق نيوز/ عراق ئاشكراى جيوه‌جيكردن پرووسه‌يليگ سه‌ربازى نه‌وعى و په‌لاماره‌يليگ ئاسمانى وه هاوكارى وه‌ل هاوپه‌يمان ناوده‌وڵه‌تى كرد ك ده‌يان تيرۆريست له ناوچه‌يل جياجيا له وڵاته‌گه كوشتگه.
له‌ى باوه‌ته‌و، قسه‌كه‌ر وه‌ناو فه‌رمانده‌ى گشتى هيزه‌يل چه‌كدار، له به‌ياننامه‌يگ ئه‌را ئاژانس شه‌فه‌ق نيوز وت: دامه‌زرياگه‌يل ده‌زگاى دژه تيرۆر له هه‌ردوگ سه‌ركردايه‌تى فه‌رمانده‌يى تاسيه‌ت يه‌ك و دوو ده‌سكردنه‌سه ئه‌ركه‌يليگ نه‌وعى له ناوچه‌يليگ جياجيا له وڵاته‌گه‌و زانيارى ته‌واويگ وه ته‌ياره‌يل هاوپه‌يمان ناوده‌وڵه‌تى درياگه له‌باره‌ى وجوود چه‌كداره‌يل داعش و ئاشكراكردن شوونه‌يل و حه‌شارگه‌يان.
به‌ياننامه‌گه وت: وه‌گووره‌ى ئه‌و زانياريه‌يله، ته‌ياره‌يل هاوپه‌يمان 26 په‌لامار ئاسمانى ئه‌نجام دانه‌و له‌تى 46 ئه‌شكه‌فت ويران كردنه‌و 19 تيرۆريست داعش كوشتنه ك واينه وه‌ره‌و كويه‌ى قه‌ره‌چۆخ له باشوور قه‌زاى مه‌خمور له‌ناونى هه‌ردوگ پاريزگاى هه‌ولێر و نه‌ينه‌وا.
