بومب دانریاگ و رووداو هاتووچو گیان گەنج و مناڵیگ سینن

شەفەق نیوز/ سەرچەوەیگ ئەمنی لە دیالە، ئمڕوو چوارشەممە، خەوەردا لە کوشیان گەنج و ناخاڵەیگ وە دوو رووداو جیاجیا لە دیالە.

سەرچەوەگە ئەرا ئاژانس شەفەق نیوز وت: شوانیگ لە تەمەن ١٢ ساڵان لە ناوچەی موڕادیە کەفتە وەر تەقیان بومبیگ دانریاگ ک وەکوتپڕ کوشتەی.

سەرچەوەگە دیاری کرد ک بومبەگە لە زویەو ریخریاگ داعش داناسەی، و تەرم قوربانیەگە وەرەو پزشک دادوەری بریا.

لە رووادویگ تر، خود سەرچەوەگە وت: گەنجیگ لە رووداویگ هاتوچوو لەبان ری خاڵس - بەغداد گیانی لەدەسدا.

سەرچەوەگە وتیش؛ رووداوەگە لەوەر قەڵبەوبوین لۆرییگ لەبان ریەگەی باشوور خاڵس بوی.