به‌ڵگه.. فه‌رمان ده‌سگيركردن ئه‌فسه‌ر و كارمه‌نده‌ليگ به‌شدار بوينه له رويداگه‌يل ناسريه
2020-06-13T11:18:40+00:00
شه‌فه‌ق نيوز/ حازم محه‌مه‌د عه‌بدولڕه‌زاق فه‌رمانده‌ى پۆليس زيقار، فه‌رمانيگ ئه‌را ده‌سگيركردن ئه‌فسه‌ره‌يليگ و كارمه‌نده‌يليگ ده‌ركرد ك به‌شدار بوينه له ريوداگه‌يل ناسريه له‌وه‌خت خوه‌ينيشانداينه‌يل ك له‌ته‌شرين يه‌كه‌م 2019 ده‌سوه‌پيكرد.
وه‌گووره‌ى به‌ڵگه‌يگ كه‌فته‌سه ده‌س ئاژانس شه‌فه‌ق نيوز، ئه‌و فه‌رمانه‌يل 11 كارمه‌ند گرته‌سه‌و، له‌ناونيانيش دو ئه‌فسه‌ر.
جى باسه، زويتريش حازم كنانى جيگر پاريزگار زيقار له 9 حزه‌يران 2020 ئاشكراى ده‌ركردن فه‌رمان ده‌سگيركردن ده‌رهه‌ق ئه‌و ئه‌فسه‌ره‌يله كرد ك به‌شدار بوينه له بنبڕكردن خوه‌ينيشانداينه‌يل له پاريزگاگهو ئاماژه‌يش وه حوكم ده‌سگيركردن و زه‌فتكردن ماڵ و موڵك جه‌ميل شه‌مه‌رى كرد ك ته‌قه له خوه‌ينيشانده‌ره‌يل كرد.
