به‌ڵگه.. داواكارى گشتى له‌باره‌ى لاوردن پاريزبه‌ندى له‌بان ئه‌نداميگ قسه وه‌ل په‌رله‌مان ئه‌كا
شه‌فه‌ق نيوز/ داواكارى گشتى عراقى، بڕياردا قسه وه‌ل ئه‌نجومه‌ن نوێنه‌ره‌يل بكا له‌باره‌ى لاوردن پاريزبه‌ندى له‌بان موسه‌نا سامه‌ڕائى ئه‌ندام ئه‌نجومه‌ن سه‌باره‌ت وه ده‌سداشتنى له ريككه‌فتن و سه‌رپيچيه‌يليگ له وه‌زاره‌ت په‌روه‌رده.
له به‌ڵگه‌يگ ئه‌را شه‌فه‌ق نيوز، له‌تى نويسياگه: ئه‌خوازيم ئاشكراى بكه‌يم ك زويتر رێ وشوون په‌يجوورى له‌لايه‌ن دادگاى په‌يجوورى ره‌سافه‌وه له‌باره‌ى ده‌سپاكى گيرياوه‌ر وه كتاو شماره (۱۰۳ق ۲۰۲۰ / ۱ ) و تايبه‌ت وه شكايه‌تليكرياێ موسه‌نا عه‌بدولسه‌مه‌د محه‌مه‌د حسێن سامڕائى)و فشارخستنى له‌بان وه‌زير په‌روه‌رده‌و وه‌ڕيه‌وبه‌ره‌يل و كارمه‌نده‌يل ئه‌را ئمزاكردن ريككه‌فتنيگ له‌ناونى كۆمپانياى ته‌ئمين نيشتمانى و كۆمپانياى خاك نيشتمان و وه‌زاره‌ت په‌روه‌رده له‌لايگ تره‌و ئه‌را ته‌ئمين ته‌ندروستى.
به‌ڵگه‌گه وت: دادگاى ناوبرايى بڕيار ئاگاداركردنه‌وه‌ى سامه‌ڕائى دا وه‌گوورىمادده‌ى(340) له ياساى سزايه‌يل دوياى ته‌واوكردن رێ وشوونه‌يل ئه‌را لاوردن پاريزبه‌ندى له‌بانى وه گووره‌ى مادده‌ى(63/ دووه‌م/ ب) له ده‌ستوور كۆمار عراق، يه‌يش له‌وه‌ختيگ بانك ناوه‌ندى ده‌س گرته بان 8 مليار دينار سامه‌ڕائى.
