به‌غدا دويا گام نه‌ێد ئه‌را دابه‌شكردن هاوكارى له‌بان خيزانه‌يل

به‌غدا دويا گام نه‌ێد ئه‌را دابه‌شكردن هاوكارى له‌بان خيزانه‌يل
2020-05-19T21:02:05+00:00

شه‌فه‌ق نيوز/ ئه‌منيدارێتى گشتى ئه‌نجومه‌ن وه‌زيره‌يل، ئاشكراى كلكردن نامه‌ كرد ئه‌را ئه‌و خيزانه‌يله‌ ك كه‌فتنه‌سه‌ وه‌ر به‌خشينه‌ى هاوكارى زه‌ردمه‌نه‌يل له‌ قه‌يران ڤايرۆس كۆرۆنا وه‌گووره‌ى ميكانيزميگ ك له‌لايه‌ن ليژنه‌ى هاوبه‌ش ديارى كرياس له‌وه‌ر ئاماده‌كارى ئه‌را دابه‌شكردنى له‌بانيان.

له‌ى باوه‌ته‌و، حه‌يده‌ر مه‌جيد قسه‌كه‌ر وه‌ناو ئه‌ميندارێتيه‌گه‌ ئه‌را ئاژانس شه‌فه‌ق نيوز وت: ئه‌نجومه‌ن وه‌زيره‌يل سڵا داسه‌ هه‌ردوگ وه‌زاره‌ت پلاندانان و كار و كاروبار كۆمه‌ڵايه‌تى ئه‌را جامه‌زرانن ليژنه‌ى هاوبه‌ش و ده‌سنيشانكردن شماره‌ى خيزانه‌يل كه‌ ئه‌كه‌فنه‌ وه‌ر پلان وه‌رگرتن به‌خشينه‌ى هاوكارى دارايى و جياكردنه‌وه‌يان دوياى پڕه‌وكردن فايل له‌ڕێ سه‌كوو ئه‌لكترۆنى.

باس له‌وه‌يش كرد كۆمپانيايه‌يل ده‌سكردنه‌سه‌ كلكردن نامه‌ ئه‌را خيزانه‌يل وه‌تايبه‌ت ئه‌و خيزانه‌يله‌ ك هويچ مووچه‌يگ نه‌يرن له‌ حكومه‌ت چ كارمه‌ند يا خانه‌نشينى يا نويسرياێ له‌ چه‌وديرى كۆمه‌ڵايه‌تى.

Shafaq Live
Shafaq Live