به‌رهه‌م نه‌فت له ميسان به‌رزه‌و بوێ ئه‌را 650 هه‌زار به‌رميل رووژانه
شه‌فه‌ق نيوز/ كۆمپانياى نه‌فت ميسان ئاشكراى ره‌سين به‌رهه‌م نه‌فت له‌چوارچێوه‌ى سه‌رچه‌وه‌يل هه‌وڵ نيشتمانى و گه‌شته‌يل رێگه‌داين كرد ئه‌را 650 هه‌زار به‌رميل رووژانه، له‌وه‌ختيگ ك ئاهه‌نگ ئه‌را وازكردن پرووژه‌يل خزمه‌تگوزارى جيوه‌جيكارى ساز كرد له چوارچيوه‌ى بڕه دارايى قانجازه‌يل كۆمه‌ڵايه‌تى.
له‌ى باوه‌ته‌و، رووژنامه‌ى سه‌باح نيمچه فه‌رمى له زووان عه‌دنان نووشى وه‌ڕيه‌وبه‌ر گشتى كۆمپانياگه وت: كۆمپانياگه ئاهه‌نگ ئه‌را وازكردن پرووژه‌يل خزمه‌تگوزارى جيوه‌جيكارى ساز كردگه له چوارچيوه‌ى بڕه دارايى قانجازه‌يل كۆمه‌ڵايه‌تى ك له‌ڕآ سه‌رچه‌وه‌ى به‌زرگان نه‌فتييه‌و ساز كريا وه هه‌ماهه‌نگى وه‌ل كۆمپانياى(سيونك)چينى، ك خوه‌ى له دوبارى ئاماده‌كردنه‌وه‌ى ريه‌يل خارجى و وێستگه‌يل ئاو خواردن و رووشنكردنه‌وه‌ى رێ وبان له ده‌روازه‌ى ناحيه‌ى مشره‌ح خوه‌ى دوينێده‌و.
باس له‌وه‌يش كرد كۆمپانياگه پشت وه سياسه‌ت فراوانكردن داهاته‌يل پاريزگا و وڵاته‌گه به‌ساگه له‌ڕێ زيايكردن به‌رهه‌م نه‌فتى له‌و سه‌رچه‌وه‌يله ك هانه ژير وه‌رپرسيارێتى خوه‌ى له‌وانه‌يش نه‌فت ميسان ك به‌رهه‌مى ره‌سيه‌سه 650 هه‌زار به‌رميل رووژانه.
