به‌رهه‌م ساڵح: ده‌سوه‌پيكردن جه‌نگ ئاسانه وه‌لێ.. سه‌دام ديكتاتۆريگ بى وێنه بوێ
شه‌فه‌ق نيوز/ به‌رهه‌م ساڵح سه‌رۆك كۆمار عراق باس له‌وه كرد وڵاته‌گه‌ى ناخوازێد بدێده شانۆييگ ئه‌را هه‌ر كاريگ دوشمنانه دژ هه‌ر ده‌وڵه‌تيگ ده‌ورگرد و له‌وانه‌يش ئيران, ئاماژه وه‌يه‌يش كرد ده‌سوه‌پيكردن جه‌نگ ئاسانه وه‌لێ كوتاييهاوردنى فريه سه‌خته.
به‌رهه‌م ساڵح له ديمانه‌يگ وه‌ل CNN وت: سه‌دام حسێن ديكتاتۆريگ بى وێنه بوێ و تاوانه‌يل پاكساى ره‌گه‌زێ ئه‌نجامدا و چيه ناو كاره‌يليگ دوشمنكارانه له‌ڕێ ناوچه‌گه‌و مه‌ترسى راسه‌وخۆييگ له‌بان ملله‌ته‌گه‌ێ دروسكرد، له‌بان ئه‌و عراقيه‌يله ك پيشبينى ئاڵشتكارى راسكانى كرديان وه‌نسبه‌ت ئه‌را دايناميكيه‌يليگ له‌ناو ئيرانيش مه‌سه‌ليگه ئه‌چێده‌و ئه‌را ملله‌ت ئيرانى.
سه‌رۆك كرمار عراق هه‌يش وت: وه‌نسبه‌ت ئه‌را ساڵ 2003 و سه‌دام حسێن باوه‌ڕم ئه‌وه‌سه ك حاڵه‌تيگ تايبه‌ت بوێ له مێژوو، وه‌لێ مه‌سه‌له‌يل هاوشيوه وه‌ى جووره: ئاسانه ده‌سوه‌پيكردن جه‌نگ وه‌لێ كوتاييهاوردنى فريه سه‌خته.
