به‌در نگه‌رانه له‌وه‌گ"سوپايه‌يل ناوچه‌يى"جه‌نگ"تايفه‌گه‌رى"بكه‌ن
2015-08-31T09:28:05+00:00
قاسم ئه‌عره‌جى سه‌رۆك فراكسيۆن به‌در له ئه‌نجومه‌ن نوێنه‌ره‌يل و ئه‌ندام ليژنه‌ى ئاسايش و وه‌رگرى له به‌ياننامه‌يگ رووژنامه‌گه‌رى ك(شه‌فه‌ق نيوز)ئاگادارى بوى، داواكاره گرينگى بدريه‌ێده ياساى پاسه‌وان نيشتمانى وه‌و شيوازه ك بگونجيه‌ێد وه‌ل ئه‌و كرده‌وه‌يل ئاسايشيه ك ئه‌ياده تويش وڵاته‌گه‌و ئالشت نه‌دێ ئه‌را سوپايه‌يل ناوچه‌يى ك شايه‌ت بدێده هووكار كوشت و كوشتار تايفى.
ئه‌عره‌جى هه‌ميش وت: ئى ياسا پشتگيرى له ده‌زگايه‌يل ئاسايشى ئه‌كاو له هه‌مان وه‌خت مقه‌يه‌تييش له‌و ناوچه‌يله ئه‌كا ك ئازاد ئه‌كريه‌ن وه ته‌مامى له‌ژير ده‌سڵات ريكخرياگ ترۆريستى داعش و هه‌ر وه‌و خاتريشه بايه‌سه جيگير بكريه‌ێد وه‌بى دوياخستن.
