بمبارانیگ ناودەوڵەتی لەبان شوینیگ داعش لە کەرکوک و دوانیان کوشێد
2021-01-02T12:43:14+00:00
شەفەق نیوز/ سەرچەوەیگ ئەمنی لە کەرکوک، ئمڕوو شەممە، خەوەردا لە کوشتن دوو ئەندام لە ریخریاگ داعش وە گورزیگ ئاسمانی لەلایەن هاوپەیمان ناودەوڵەتی لە باشوور خوەرائاوای کەرکوک.
سەرچەوەگە ئەرا ئاژانس شەفەق نیوز وت: فڕۆکەی هاوپەیمان ناودەوڵەتی کورزەیلیان لەبان حەشارگەیگ ئەرا ریخریاگ داعش لە ئاوای ئوم عەقارب لە دەورگرد ناحیەی رەشاد خەسەو کرد، ک بویە هووکار کوشتن دووان لە ئەندامەیل ریخریایەگە.
سەرچەوەگە وتیش؛ گورزەگە لە بنەمای زانیاریەیلیگ و رەوانگەی هەواڵگری لەلایەن دەزگا ئەمنیە عراقیەگان هات.
سەرچەوەگە ئاماژە کرد لە گردەوبوین و هاتنەوەی ئەندامەیل داعش لە ئاوایە دویرەگان وچووڵەگان لە ناحیەیل رەشاد و ریاز ک رزگار کریانە، لەوەر بووشاییە ئەمنیەگان و دویرییان لە کوێوە سەربازیەگان.
