بلاسخارت لە کەربەلاو: گومان لە توانای سودانی نەیریمن
ئەوەیش لە چەوپیکەفتنی وەرد نسەیف جاسم خەتابی سەرۆک حکومەت ناوخوەیی هات مەوقەی سەردانی ئەرا پارێزگای کەربەلا.
حکومەت ناوخوەیی کەربەلا لە بەیاننامەیگ وت: لە دیدارەگە باس میکانزمەیل هاوکاری و هەماهەنگی ناوبەین ریخریاگ نەتەوەیی و پارێزگای کەربەلا کریا، هەمیش باس باوەت هەڵوژاردن ئەنجومەن پارێزگایگ و شیوەیل خاسی جیوەجیکردنی کریا.
بەیاننامەگە لە زوان پارێزگار کەربەلا وتیش: کەربەلا پاڵپشتی ڕۆژەی دیموکراتی و میکانزمەیل حکومەت فیدڕاڵی ئەرا پیشکەشکردن خزمەتگوزاری و ئاوەدانکردن و بیناسازی و ئەوزەڵکردن لە پارێزگاگە کەێد.
لەلای خوەییش، خانمە نوینەر ئەمیندار گشتی نەتەوە یەکگرتگەیل وت: ئیمە گومان لە توانای سەرۆک حکومەت فیدڕاڵی لە کار و دژایەتی گەندەڵی و پیشکەشکردن خزمەتگوزاری نیەکەیمن.
لەباوەت پارێزگای کەربەلا، خانمە نوینەر ئەمیندار گشتی نەتەوە یەکگرتگەیل باس ئاسوودەیی کرد هەنای نووڕێدە ئەو هەڵسیان ئاوەدانی و خزمەتگوزاریە ک پارێزگاگە وەخوەی دوینێد.
وتیش: هەس وە گەشبینی فرە گەورەیگ کردم ک خوازێد بوودە نموونەی دیاریگ ئەرا سەرکەفتن لەی وڵاتە.
