باڵيۆزخانه‌ى ئه‌مريكا وشدارى دا هاووڵاتيه‌يلێ له‌ عراق

باڵيۆزخانه‌ى ئه‌مريكا وشدارى دا هاووڵاتيه‌يلێ له‌ عراق
2019-09-24T20:13:46+00:00

شه‌فه‌ق نيوز/ باڵيۆزخانه‌ى ئه‌مريكا له‌ به‌غدا وشدارى دا گشت هاووڵاتيه‌يل ئه‌مريكى له‌ عراق و داوا له‌ليان كرد ئاگادار خوه‌يان بوون.

 

باڵيۆزخانه‌گه‌ له‌ به‌ياننامه‌يگ وت: ئامووژگارى گشت هاووڵاتيه‌يل ئه‌مريكى له‌ عراق ئه‌كه‌يم ئاگادار خوه‌يان بوون له‌ به‌رزه‌وبوين گرژيه‌يل له‌ عراق و پابه‌ند بوون وه‌ رينمايه‌يل.

 

جى باسه‌، باڵيۆزخانه‌گه‌ هه‌ميش وت: هاووڵاتيه‌يل ئه‌تويه‌نن زانيارى زيايه‌ له‌بان ماڵپه‌ڕه‌يل باڵيۆزخانه‌ى ئه‌مريكا وه‌ربگرن، يه‌يش له‌وه‌ختيگ ك سه‌رچه‌وه‌يليگ ئه‌منى باس له‌وه‌ كردن قازيفه‌يگ هاوه‌ن كه‌فته‌سه‌ نزيك باڵيۆزخانه‌ى ئه‌مريكا له‌ ناوچه‌ى سه‌وز له‌ ناوڕاس به‌غداى پايته‌خت.

Shafaq Live
Shafaq Live