بانك ناوده‌وڵه‌تى داوا له‌عراق ئه‌كا مه‌رجه‌يلى له‌بان وه‌كاربه‌ره‌يل ئه‌نته‌رنێت هه‌ڵگرێد

بانك ناوده‌وڵه‌تى داوا له‌عراق ئه‌كا مه‌رجه‌يلى له‌بان وه‌كاربه‌ره‌يل ئه‌نته‌رنێت هه‌ڵگرێد
2019-06-27T11:17:00+00:00

شه‌فه‌ق نيوز/ راپۆرتيگ بانك ناوده‌وڵه‌تى جه‌خت له‌وه‌ كرد ك وڵاته‌يل رووژهه‌ڵات عه‌ره‌بى هانه‌ وه‌رده‌م ده‌رفه‌تيگ ئه‌را بنياتناين ئابوورى شماره‌يى و ئاڵشتى ئه‌كا ئه‌را ناوه‌ند خزمه‌تگوزارى بازرگانى و چالاكيه‌يل په‌يوه‌سكردن و په‌يوه‌نديه‌يل پيشكه‌فتگ.

 

بانكه‌گه‌ له‌ راپرتيگى وت: ناوچه‌گه‌ هه‌وه‌جه‌ وه‌ وه‌به‌رهاوردن 4 تا 5,2 مليار دۆلار ديرێد ئه‌را توانايى 30 له‌سه‌د له‌مه‌ردم ك په‌يوه‌ندى وه‌ ئه‌نته‌رنێت فراوان و گورجيگ داشتوون له‌ڕێ ته‌كنيكه‌يل پيشكه‌فتگ و باس له‌وه‌يش كرد ك ره‌سانن ئه‌نته‌رنێت ئه‌را زياتر له‌ 13 مليۆن خيزان له‌ هه‌ر يه‌ك له‌ لونان و ئوردن و سوريا و عراق هه‌وه‌جه‌ وه‌ په‌يجوورى ته‌واويگ ديرێد له‌ناونى تووڕه‌يل خزمه‌تگوزارى فراوان له‌ ناوچه‌گه‌و له‌وانه‌يش تووڕه‌يل بنه‌ڕه‌تى و زه‌مينى و ده‌ريايى.

 

باس له‌وه‌يش كرد ك سوريا و عراق هه‌وه‌جه‌ وه‌ لاوردن وه‌ربه‌سه‌يل ديرن له‌ وه‌كاربه‌ره‌يل و چالاكه‌وكردن بازاڕه‌يل په‌يوه‌ندى و ئه‌نته‌رنێت و داوايش له‌ كرد عراق بايه‌سه‌ مه‌رجه‌يلى له‌بان وه‌كاربه‌ره‌يل هه‌ڵگرێد ئه‌را بنياتناين و وه‌كارخستن ژيرخان ئابوورى و رێ وه‌ كۆمپانيايه‌يل بيه‌ێد بڕه‌سنه‌ وه‌كاربه‌ر كوتايى و بايه‌سه‌ عراق بدێده‌ ناوه‌نديگ ئه‌را په‌يوه‌سكردن ناوده‌وڵه‌تى له‌ بازاڕ خزمه‌تگوزاريه‌يل وه‌شيوه‌يگ فراوان.

Shafaq Live
Shafaq Live