بانک ناوەندی عراق زیاتر لە ٢٥٨ ملیۆن دۆلار فرووشێد

شەفەق نیوز/ فرووش دۆلار بانک ناوەندی عراق، ئمڕوو یەکشەممە، زیاتر لە ٢٥٨ ملیۆن دۆلار بویەر لە زیاکردن ئاشکرای.

 پەیامنێر ئاژانس شەفەق نیوز وت: ئمڕوو بانک ناوەندی لە زیادکردنەگەی بڕ ٢٥٨ ملیۆن و ٧٩٦ هەزار و ١٩ دۆلار فرووشت، کە وە نرخ بنەڕەتی ١٣١٠ دینار ئەرا هەر دۆلاریگ ئەرا کرێدیتی بەڵگەنامەیی و یەکلاییکردن ناودەوڵەتی ئەرا کارت ئەلیکترۆنی چگە، وە نرخ ١٣١٠ دینار  ئەرا هەر دۆلاریگ ئەرا هەواڵەی دەرەکی، و وە نرخ 1305 دینار ئەرا هەر دۆلاریگ وە کاش.

وتیش: فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە و کرێدت چگە، کە بڕی 247 ملیۆن و 296 هەزار و 19 دۆلار بویە، کە وەڕیژەی 95% زیادیکردگە وەچەو فرووش کاش کە بڕی 11 ملیۆن و 500 هەزار دۆلار بویە.

 پەیامنێرمان وتیش: شمارەی ئەو بانکەیلە کە دۆلار کاش سەننە یەک بانک بویە، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو  لە دەیشت وڵات رەسیەسە ١٤ بانک، و بڕ گشتی کۆمپانیایل ئاڵوگۆڕ و دەڵاڵی کە بەشداری لە زیایکردنەگە کردنە رەسیە ١٧ کۆمپانیا.