بانک ناوەندی عراق.. 17 تریلیۆن دینار ئەرا وەبیاوانبوین و ئاڵشتبوین کەشوهەوا
شەفەق نیوز/ بانک ناوەندی عراق، ئمڕوو جومعە، راگەیان جویر دەسپیشخەریگ لە وەرانوەر وە بیاوانبوین و ئاڵشتبوین کەشوهەوا 17تریلیۆن دینار تەرخان کەێد.
لە بەیاننامیگ بانک ناوەندی عراق لە بەیاننامیگ بڵاویکرد راگەیان، بانک ناوەندی وە هاوکاری وەزارەت ژینگە و کشتوکاڵ و پەیوەندی بانکەیل عراق لە ۆرکشۆپیگ ژووریگ کارکردن لەبان ئاڵشتبوین کەشوهەوا و وە بیاوانبوین و ئاسایش نەتەوەیی.
لەبەیاننامەگە دیاریکرد، لە ۆرکشۆپەگە شمارەیگ باڵیۆز وڵاتەیل و ئیدارەو وەزارەتەیل و پارێزگایەل و وەڕێەوبەرایەتیەیل گشتی ئامادەبوین.
مستەفا غالب موخیف پارێزگار بانک ناوەندی لە وتەیگ باس لەوە کرد، ئاڵشتبوین کەشوهەوا و دیاردەی وە بیاوانبوین و کەم ئاو بوین سێکوچگەی رخبەریگە ک مرۆڤایەتی سەرجەم و دامەزراو ناودەوڵەتیەگان و دەوڵەتەیل خستیەسە ئامادەباشی.
وتیش، ئەرا رویوەروی بوین ئاڵشتبوین کەشوهەوا و دیاردەی بیاوانبوین بڕ 17 ترلیۆن دینار جویر دەسپێشخەری لەلایەن بانک ناوەندی تەرخانکریایە و یەک ترلیۆن دینار ئەرا کارەبا تەرخان کریایە.
