بانک ناوەندی ٨ ترلیۆن دینار قەرز دەێدە حکومەت کازمی

شەفەق نیوز/ دەسەی دارایی پەرلەمانی، ئمڕوو چوارشەممە، ئاشکراکرد لە قەرزکردن حکومەت لە بانک ناوەندی وەبایی ٨ ترلیۆن دینار، و هەمیش دووپاتکرد ک مووچەی فەرمانبەرو خانەنشینەیل تا کۆتایی ٢٠٢٠ دابین بوود. ئەحمەد سەفار بڕیكار دەسەگە ئەرا ئاژانس شەفەق نیوز وت: رەزامەنی ئەنجومەن نوێنەران لەبان قەرزکردن ناوخۆیی و دەیشتەکی بویە هووکار لە دابینکردن مووچەی فەرمانبەرو خانەنشینەیل لە ماوەی ئی مانگەیلە، و دووپاتکرد؛ ئەرگەر رەزامەنی پەرلەمان نەویاتاد وەنە حکومەتەگە نەتوێنست مووچەگان دابین بکەێد وخەرجیان بکەێدە بان شایستەیل. وتیش: حکومەتەگە روی کردە قەرزکردن هەیشت ترلیۆن دینار لە بانک ناوەندی هەرچەن پەرلەمان رازی بویە لە قەرزکردن ١٥ ترلیۆن دینار لە بانک ناوەندی و بانکە ناوخۆیەگان.