بابل و زيقار.. چويچانن خوه‌ينيشانده‌ره‌يل وه ته‌قه و ماڵ چالاكوانيگيش كريا ئامانج
2020-06-03T10:09:46+00:00
شه‌فه‌ق نيوز/ دو سه‌رچه‌وه‌ى ئه‌منى، ئاشكراى ئه‌وه كردن هيزه‌يل ئه‌منى له‌وه‌ر چويچانن ته‌قه له خوه‌ينيشانده‌ره‌يل كردنه له بابل، ئاماژه وه‌يه‌يش كريا مينيگ له‌وه‌رده‌م ماڵ چالاكوانيگ له زيقار ته‌قيه‌سه‌و.
يه‌كيگ له‌و سه‌رچه‌وه‌يله ئه‌را ئاژانس شه‌فه‌ق نيوز وت: هيزه‌يل ئه‌منى له بابل ته‌قه له هه‌وا كردنه ئه‌را چويچانن ئه‌و خوه‌ينيشانده‌ره‌يله ك له‌وه‌رده‌م باڵه‌خانه‌ى حكومه‌ت ناوچه‌يى گرده‌وبوينه له شار حله ناوه‌ند پاريزگاگه‌و دى هويچ هه‌واڵيگ له‌باره‌ى زه‌خمداربوين بڵاو نه‌وێ.
سه‌رچه‌وه‌يگ تر ئه‌منييش ئه‌را ئاژانس شه‌فه‌ق نيوز وت: مينيگ ده‌نگى له‌وه‌رده‌م ماڵ كه‌ريم قه‌ره‌غولى ديارترين چالاكوانه‌يل قه‌زاى ئه‌لنه‌سر له پاريزگاى زيقار ته‌قيه‌سه‌و وه‌بى زه‌ره‌ده‌يل گيانى.
