باڵێگ شیعە ئاشکرای مووڵەتەگەی حکومەت کازمی کەێد: چەک وەرخودان ئامادەیە

شەفەق نیوز/ بزووتنەوەی ''ئەبدال'' یەکیگە لە باڵە چەکدارەگان لە عراق، ئمڕوو دووشەممە، هەڕەشە وەئامانجکردن هێزە بیگانەگان لە عراق دا، ئەگەر رازی نەوین لە دەرچگن تەواوەتی لە خاک عراق، وەگورەی بڕیار ئەنجومەن نوێنەران.

کەماڵ حەسناوی جیگر سکرتێر گشتی بزوتنەوەگە ئەرا ئاژنس شەفەق نیوز وت: باڵەیل وەرخودان مووڵەتیگ دانە حکومەت موستەفا کازمی،

ئەرا جیوەجیکردن ئەوەگ لەبانی رێککەفتنە وەرجە بڕواوەپیداین پەرلەمان عراق، وە دەرکردن گشت هێزە بیگانەگان لە عراق.

حەسناوی دیاریکرد؛ دەرنەکردن هێزە بیگانەگان، له‌ لاین کازمی و لە چوارچیەوەیل سیاسی، هیلێد باڵەیل وەرخودان ئەو هێزەیلە بکەنە ئامانج جوور هێزەیلیگ داگیرکەر، وچەک وەرخودان ئامادەیە ئەرا تاڕانن ئەو هێزەیلە، وجه‌خت کرد ک ئی جمشته‌یله‌ توانای سەرکەفتن لەی ئەرکە دیرن، بەڵکم چەوەڕی کەیمن حکومەت کازمی چە کەێد.