"بڕفنەیل تەقەلای دەسدرویژیکردن دانە".. ئازادکردن ژنیگ و سێ مناڵی لە خوەرهەڵات بەغداد
شەفەق نیوز/ سەرچەوەیگ لە پۆلیس عراقی، ئمڕوو یەکشەممە، خەوەردا هێزەیل ئەمنی توەنستنە ژنیگ و سێ مناڵەلی ئازادبکەن لەدویای ئەوەگ رویوەروی دەسدرویژی و تونوتیژی بوود وەلایەن بڕفنەیل لە خوەرهەڵات بەغدای پایتەخت.
سەرچەوەگە وە ئاژانس شەفەق نیوز وت؛ زانیاری رەسیە لە رویداو رفانن ژنیگ و سێ مناڵەیلی، و هێزە ئەمنیەیل دەسکردنە وە کووکردن زانیاری و رەسین وە شوین ژنە رفیاگە لە ناوچەی سەبع قسوور خوەرهەڵات پایتەخت.
وتیش؛ هێزەیل ئاخڵەی ئەو ماڵە دانە ژنەگە لەناوی زیندانیکریاگە کە دانیشتگ پارێزگای بابلە ، وتیش وەپای قسەی رفیاگە ماشین وەکرای گردیە لە بابلەو ئەرا ناوچەی شەعب لە بەغداد ئەرا سەردانکردن کەسوکاری، کە رانندەی ماشینەگە ئەرا ماڵیگ چووڵ لەو ناوچە بەێگێ.
سەرچەوەگە وتیش، راندەگە تەقەلای دەسدرویژیکردن وەبانی دایە تونوتیژی وەرانوەر مناڵەیلی کردیە تا مەوقەی رەسین هێزەیل ئەمنی وەرگیری لەخوەی کردیە، دیاریکرد، بڕفنەیل دوو کەس بوینە، داندانانە وەبان ئەوەگ ئەرا دەسدرویژیکردن وەبانی رفانیەسێ.
