بەغداد.. کوشیان کەسیگ وە رویداو هاتوچو و دەسگیرکردن 10 توومەتبار

شەفەق نیوز/ سەرچەوەیگ ئەمنی لە بەغدا، ئمڕوو پەنجشەممە، خەوەردا لە کوشیان کەسیگ لە ئەنجام رویداویگ هاتوچو باکوور خوەرهەڵات پایتەخت، لە وەختیگ دە کەس وە توومەتەیل جیاجیا دەسگیر کریان.

سەرچەوەگە ئەرا ئاژانس شەفەق نیوز وت: پیاییگ لە ئەنجام رویداویگ تلیان وەلایەن ماشینیگ نزیک یەکەم دەروازە لە ناوچەی بوی شام باکوور خوەرهەڵات بەغداد گیانی لەدەسدا.

وتیش: خاوەن ماشینەگە وەرجە تەقەلای وایینی دەسگیر کڕیار و تەرمەگە ئەرا پزشک دادوەری بریا.

 سەرچەوەگە وتیش: هیزیگ ئەمنی (پاپیرەیگ) دەسگیر کرد تەقە لە نەوەی خوەی کردگە، لە ئەنجام وەردەوەردەیگ خیزانی، کە نەوەگە تویش زەخمداری سەختیگ هات، و ئەرا خەسەخانە بریا لە ناوچەی ئەبو دشیر لە دۆڕە.

هەرلیوا، فەرماندەیی ئۆپراسیۆنەیل بەغداد لە بەیاننامەیگ رەسیە ئاژانس شەفەق نیوز راگەیان کە یەکەیل فیرقەی پیادەی هەڤدە، و یەک، و دوو، و پەنج لە پولیس فیدڕاڵی وە پاڵپشتیکردن دەزگا و ئاژانسەیل هەواڵگری، توەنستن هەشت توومەتبار دەسگیر بکەنر یەکیگیان بازرگانی وە ئاسەواری کەێد و  26 پارچەی ئاسەواری وەپی بویە، و باندیگ سێ کەسی ئەرا بازرگانیکردن وە مادەی هووشبەر، و دەسناین وەبان بڕیگ چەک و عەتاد بیمووڵەت، لە ناوچەی سەیدە زەینەب لە مەحمودیە، و شار سەدر، و زاعفەرانیە، و کەڕادە.  

دووپات کرد کە دریانە دەس لایەنەیل پەیوەندیدار ئەرا تەواوکردن ریکارەیل یاسایی.