بەغداد.. وازکردن ١١ ری یە ١٠ ساڵە بەسیانە
2022-03-12T07:34:58+00:00
شەفەق نیوز/ فەرماندەی ئۆپراسیۆنەیل بەغداد، ئمڕوو شەممە، راگەیان هەڵگردن و پۊچەڵکردن چوار خاڵ ئەمنی، و وازکردن ١١ کۊچەی بەسیاگ لە ناوچەی بەیاع لەلای کەرخ لە بەغداد پایتەخت.
فەرماندەگە لە بەیاننامیگ رەسیە ئاژانس شەفەق نیوز وت: تەقەلای ئەندازیاری لە لیوای هەفتەم فیرقەی دۊەم پۆلیس فیدراڵی،
دەسکردە وازکردن ١١ کۊچە لە گەڕەک ٨١٧ لە ناوچەی بەیاع، وەگەرد جیکەنی خاڵ حەمزە و پۊچەڵکردن چوار خاڵتر لە خود ناوچەگە.
و دیاری کرد ک بەسیان ئی کۊچەیلە وەرجە زاتر لە ١٠ ساڵ لەوەر کارەیلیگ ئەمنی و مقەیەتیکردن گیان ئەو هاووڵاتییەیلە ک چنە ناو بازاڕ و جادەی عشرين بۊە، وتیش: ئی ریکارەیلە لەوەر داوای خەڵکەگە هات، و هەمیش ئەرا سووکەوکردن قەرەباڵغی.
