بەغداد وەگورەی رێککەفتنە نووەگە بەش هەرێم کوردستان لە بوودجەی ٢٠٢١ دیاری کەێد
![بەغداد وەگورەی رێککەفتنە نووەگە بەش هەرێم کوردستان لە بوودجەی ٢٠٢١ دیاری کەێد](https://media.shafaq.com/media/arcella/1607250520468.jpg)
شەفەق نیوز/ سەلیم هەمزە نۆینەر فراکسیۆن کۆمەڵەی ئیسلامی، ئمڕوو یەکشەممە، وت: بەش هەرێم کوردستان لە بوودجەی فیدڕاڵی ئەرا ساڵ ٢٠٢١ رەسێدە زیاتر لە ١٢٪ ، ئەوەیش لە دویای رێککەفتنیگ هونەری لەناوبەین هەولێر و بەغداد لەی باوەتە.
هەمزە ئەرا ئاژانس شەفەق نیوز وت: شاندە کوردەگە رەسیە رێککەفتنیگ وەگەرد حکومەت فیدڕاڵی، لە هەناردەکردن نەفت لەڕی کۆمپانیای نیشتمانی سۆمو.
وتیش؛ رێککەفتن لەبان ئەوە کریا ک بەش هەرێم کوردستان لە بوودجەی گشتی ئەرا ساڵ ٢٠٢١ بوودە ١٢،٦٧٪ لە پویل گشتی بوودجەگە.
هەمزە هەمیش وت؛ لە ماوەی رووژەیل ئایندە واژوو لەبان ئەو رێککەفتنە ناوبەین هەرێم و وەرپرسەگان لە حکومەت فیدڕاڵی کریەێد