بەغداد یەی هەفتە ئەرا گلەوخواردن وەپەتی دەێدە لوبنانیەیل

شەفەق نیوز/ دەسەڵاتەیل عراق، ئمڕوو شەممە، یەک هەفتە دادە ئەو هاوڵاتیەیل لوبنانیە کە هانە چەن پارێزگایگ عراق، تا وە موفت ئەرا وڵاتیان گلەو بخوەن، لە وەختیگ دووپات کردن کە رووژ 20 باج شکانن نیشتەجیەیی خریەێد بان ئەوانەگ مەننەسەو.

سەرچەوەگە ئەرا ئاژانس شەفەق نیوز وت: دەسەڵاتەیل عراقی، ئاگادار لوبنانیەیل ناو وڵات کردن، کە ئی هەفتە دویاترین ماوەس ئەرا چگنیان وەرەو وڵات خوەیان وە پەتی.

 وتیش: نیشتەجییوین پەتی کە دریاسە لوبنانیەیل لە رووژ 20 شوبات تەواو بوود، و وەگەرد تەواوبوین ماوەی نیشتەجیی پەتی، دویای ئەوە باج و رسووم پویلی وەلایەن وەزارەت ناوخۆ لەبان ئەو لوبنانیەیلە چەسپێد کە هانە ناو عراق.

 سەرچەوەگە وتیش: نزیکەی 5-7 هەزار لوبنانی هاتە ناو شمارەیگ لە پارێزگایویل عراق، زیاتریان لە کەربەلا و نەجەف، لە جەنگ ئیسرائیل و لوبنان هاتنە.

عراق وازکردن سنوورەیل هشکایی و ئاسمانی لەڕوی ئاوارەیل لوبنانی راگەیان کە لە جەنگ ئیسرائیل وەبان وڵاتیان واینە.