بەغداد پێشنیاز دەێدە تەهران ئەرا خول زوان فارسی لە زانکۆیەل عراق
شەفەق نیوز/ یاوەر وەزیر خوەنستن باڵاو تۊژینەوەی زانستی عراق ئەسعەد غەنی جیهاد خوزاغی پێشنیاز ڕێکخسن خول زوان فارسی لەزانکۆیەیل عراق کرد وەهەماهەنگی وەگەرد زانکۆی ناودەوڵەتی ئیمام ڕەزا.
وەگورەی هەواڵیگ ئاژانس "ئیرانا" ڕۆژی یەکشەممە بڵاوکرد، یە لەماوەی کۆبۊنەوەی خەزاعی وەگەرد وەرپرسەیل زانکۆی ناودەوڵەتی ئیمام ڕەزا لە شار مەشهەد پارێزگای خوراسان لە باکوری خوەرئەڵات ئیران هاتیە.
دیاریکرد، خوزاعی ئامادەیی وەزارەت خوەنستن باڵا و تۊژینەوەی زانستی عراقی دەربڕیە ئەرا پەرە وەپیدان هاوکاری زانستی و تۊژینەوەیەیلە وەگەرد ئی زانکۆ و وتیش: چالاکی هاوبەش زانستی و تۊژینەوەیی.
لە مژارەیل جیاجیایەیل ئەنجام بیریەن جۊر ئاڵشتکردن مامووستایەیل و تەواوکردن نامەی دەرچگ هاوبەش و ڕێکخستن کۆنفرانسە زانستییە هاوبەشەیلە و دامەزرانن خول پەروەردەیی و تۊژینەوەی کوڵ.
وەگورەی هەواڵەگە وەرپرسە عراقیەگە ئومید ئەرا " بارودۆخ گونجیایگ کەید تا خوەستن وە شیوەی ئامادەبۊین وەپی باد لەجیای خوەنستن لە دۊرەو لە ری ئەلیکترۆنی لەوەر بڵاوبۊین ڤایرۆس کۆرۆنا، ئەرا زیاتر دروسبۊین کاریگەری مابەێن ماموستا و خوەنەوارەیل زانکۆ لە هەردگ وڵات".
وەگورەی "ئیرانا" خوزاعی، وتیش: "پەرەوەپیدان پەیوەنییەیل زانستیی وەگەرد ئیران سیاسەت وەزارەت خوەنستن باڵای عراقە و راگەیان ک بەخش خوەنستن دریەێدە خوەنەوارەیل زانکۆی ئیران ئەرا ئەوەگ لە زانکۆیەل عراق بخوەنن".
